Gunah..

Insaan Samjhta Hain Gunah Bhula Dene Se Wo Zindagi Se Khaarij Ho Jaate Hain Magar Aisa Nahi Hota.. 

Gunah Peechha Karte Hain..                             Wo Arsey Baad Bhi Apne Malik Se Milne Aa Jaya Karte Hain…  

Gunah Qabr Tak Insaan Ke Peechhe Aate Hain…. 

Lines From “Jannat Ke Pattey” by Nemrah Ahmed.

Advertisements

Nayi Zindagi… Sasural

LINES FROM “NAMAL” by Nemrah Ahmed

Nayi Zindagi Mein Settle Hone Ke Baad Ladkiyon ko Accha Banne Ki aur Ji Huzoori Kar Ke Badh Chadh kar Khidmat Karne Ke Bajaaye Sirf Utna Hi Kaam Karna Chahiye Jitna Wo Apne Ghar mein Karti Thi Kyun Ki.. Wo Utni Hi Zimmedari Aage Bhi Nibha Sakti Hai… Zimmedari Utni Lo Jitni Nibha Sakti Ho….. 

Tum Nahi Jante…

Tum Nahi Jante Shayad…

Kya Qeemat Hai Zindagi ki..

Kisi Mayyat Se Jaa Kar Puchho Kya Zaroorat Hai Bandagi Ki… 

Tum Nahi Jante Shayad…

Kya Qeemat Hai Waliden Ki..

Kisi Besahara Se Jaa Kar Puchho Kya Zaroorat Hai Aasre ki..

Tum Nahi Jante Shayad…

Kya Taaqat Hai Aansuon Ki..

Kisi Zalim Se Jaa kar Puccho Kya Zaroorat Hai Sukoon Ki..

Tum Nahi Jante Shayad…

Kya Hunar Hai Khamosh Logon Mein..

Kisi Adaakar Se Jaa kar Puchho Kya Zaroorat Hai Tanhayion Ki..

Tum Nahi Jante Shayad…

Apne Be-sukooni Ki Wajah..

Apni Rooh Se Jaa Kar Puchho Kya Zaroorat Hai Zikr-e-Ilahi Ki..

Tum Nahi Jante Shayad… 

Kya Hai Rozi Ki Ahmiyat..

Gareeb Se Jaa kar Puchho Kya Zaroorat Hai Rotiyon Ki..

Tum Nahi Jante Shayad…

Kya Hai Haajat Duaon Ki..

Kisi Mazloom Se Jaa Kar Puchho Kya Zaroorat Hai Rahem Ki..

Tum Nahi Jante Shayad…

Kya Kamaal Hai Lafzon Mein..

Kisi Shayar Se Jaa Kar Puchho Kya Zaroorat Hai Qalam Ki….. 

Main Khayaal Hoon Kisi Aur Ka..

Main Khayaal Hoon Kisi Aur Ka..

Mujhe Sochta Koi Aur Hai..

Sar-e-Aayina Mera Aqs Hai..

Pas-e-Aayina Koi Aur Hai..

Main Kisi Ke Dast-e-Talab Mein Hoon..

Na Kisi Ke Hurf-e-Dua Mein Hoon..

Main Naseeb Hoon Kisi Aur Ka..

Mujhe Mangta Koi Aur Hai..

Jo Wo Laut Aayen Toh Poochhna Nahi..

Dekhna Unhe Gaur Se..

Jinhe Raah Me Yeh Khabar Mili..

Ke Yeh Rasta Koi Aur Hai..

Meri Roshni Tere Khud va Khaal se..

Mukhtalif Toh Nahi Magar..

Tu Qareeb Aa Tujhe Dekh Loon..

Tu Wahi Hai Ya Koi Aur Hai.. 

Tujhe Dushmano Ki Khabar Na Thi..

Mujhe Doston Ka Pata Nahi..

Teri Dastan Koi Aur Thi..

Mera Waqiya Koi Aur Hai….